Проект: Реновирање на станбен ентериер
Категорија: Резиденцијален дизајн

Проектот претставува реновирање на ентериер на стан. Постојниот квалитет на прикажаниот стан беше во многу лоша состојба, бидејќи станбената единица е дел од многу стара зграда. Затоа е направена монтажа на нов под, нови ѕидови, нов плафон, нова струја и градежна столарија. Исто така, функционалноста на целиот дом беше подигната со промена на функционалноста на секоја соба. Целиот план на подот беше променет со префрлање на оригиналниот кујнски простор со трпезарија во спална соба, спалната соба во дневна со трпезарија и кујна и оригиналната дневна соба во детска соба.

Направена е елиминација на постоечки ѕидови и изграден е нов ѕид со цел да се промени функционалноста на просторот во станот. Во влезниот хол беа монтирани големи светли плочки за да се разубави и осветли ходникот. Остатокот од станот е покриен со нов дрвен паркет. Новата кујна беше лесно позиционирана на ново место со монтирање на нови водоводни цевки како продолжение од мијалникот во бањата. Додадена е нова електрика низ целата внатрешност на станот. Бидејќи станот се наоѓа на прв кат и нема големо количество на природна светлина, внатрешниот дизајн е опремен со светол мебел измешан со дрвени детали. Новиот ентериер е едноставен и модерен, задоволувајќи ги потребите на сопствениците.

Внатрешна архитектура/ дизајн на ентериер/ 3Д визуелизација
Година на проектирање: 2021
Година на реализација: 2021