Проект: Ентериер на стан
Категорија: Резиденцијален дизајн

Ентериер на апартман за домување претставува простор за живеење во кој сопствениците поминуваат најголем дел од едно деноноќие. Неговиот аранжман на уредување, распоред, опремување со мебел, како и користење на соодветен тоналитет на бои, треба да создаде пријатна амбиентална атмосфера која влијае на расположението, чувствата и менталното здравје на сопствениците на домот.

Просторот за живеење треба да биде мала оаза на спокој и продуктивност. Тој треба да биде интимен, удобен и звучно изолиран од надворешниот свет. Треба да биде декориран со природни аранжмани и растенија кои ќе внесат свежина во домот и ќе ја подобрат природната вентилација во внатрешниот простор. Распоредот треба да овозможи непречено циркулирање во ентериерот, а секој m² треба да оформува јасно дефинирана зона, односно целина за наменско функционално користење.

Дизајн на ентериер/ 3Д визуелизација
Година на проектирање: 2017