Проект: Ентериер на викенд куќа
Категорија: Резиденцијален дизајн

Проектот претставува ентериер на викенд куќа со два ката. Локацијата на куќата е опкружена со природа, што се одразува на дизајнот на објектот кој има големи прозорци од подот до таванот, со цел да се максимизираат воодушевувачките панорамски погледи конприродата од нејзината внатрешност. Дизајнот на просторот е одраз на едноставност, луксуз и удобност, комбинирајќи го современиот стил со природните елементи за да го надополни околниот пејзаж.

Приземјето има распоред со план од отворен тип, кој беспрекорно ги поврзува дневната, трпезаријата и кујната. Ова не само што го максимизира просторот, туку и го поттикнува протокот и интеракцијата помеѓу различните функционални зони на просторот. Внатрешниот дизајн содржи многу природни материјали како дрво, камен и кожа, за да ги внесе природните материјали од надворешната околина- внатре. Изложените дрвени греди на таванот додаваат рустикален шарм, додека акцентираните ѕидови со природен декоративен камен околу каминот и ТВ единицата создаваат амбиентално чувство на топлина. Дневната е голема и привлечна зона, која е опремена со софи и фотељи во неутрални тонови. Дизајнот на кујната е практичен, во зелена боја која повторно ја претставува природата. Зоната на огништето е дизајнирана како пријатен агол за читање со поглед кон природата или спокоен агол за медитација.

Спалните соби се сместени на горниот кат и секоја соба претставува интимен простор, уреден според потребите на сопствениците на собата. Дизајнирани се со големи прозорци за панорамски погледи и многу природна светлина во текот на денот. Секоја спална соба има уникатен стил на внатрешен дизајн кој одговара на индивидуалниот вкус на сопственикот на собата.

Дизајн на ентериер/ 3Д визуелизација
Година на проектирање: 2022
Година на реализација: 2022/23