Проект: Ентериер на салон за убавина наменет за деца и возрасни
Категорија: Комерцијален дизајн

Мали Ѕвезди е салон за убавина за мали деца и нивните родители, опремен со детски мебел, декор и играчки.
Ентериерот претставува уникатен спој на просторни функционални зони, во кои родителите со своите деца можат истовремено да уживаат во услугите кои ги нуди салонот, наменети за возрасните и децата.

Внатрешниот простор на салонот е составен од два ката меѓусебно поврзани со внатрешни дрвени скали за вертикална комуникација. Дрвената ограда од скалите покрај безбедносна и функционална, игра и важна декоративна улога во просторот. Долниот кат е отворен простор, поделен на влезна партиција со приемен кружен пулт, зона за фризерски услуги за деца опремена со колички и игротека. На горниот кат истовремено децата можат да уживаат со своите родители во фризерските и козметички услуги кои ги нуди салонот. Пиедестално на подиум е акцентирана зоната за педикир на горниот кат, каде децата со своите родители истовремено може да уживаат во козметичките третмани. Секоја одделна зона е соодветно осветлена со амбиентална и функционална расвета според намеската потреба. Ентериерот е обоен во светли нијанси на секундарни бои, во комбинација со ѕидни површини украсени со тапети кои развиваат композиции на нежни тонови, текстури и форми.

Проект менаџмент/ Внатрешна архитектура: МЕТАТЕТ СТУДИО Скопје
https://metatet.com/portfolio/hair-salon-kids-little-stars/
Внатрешна архитектура, дизајн на ентериер/ 3Д визуелизација: Анета Мицевска
Инвеститор: Мали Ѕвезди
Година на проектирање: 2019
Година на реализација: 2019