Проект: Ентериер на хотелска соба
Категорија: Комерцијален објект од областа на угостителство

Хотел е објект кој нуди платено сместување за одмор и рекреација во пријатна атмосфера.

Повеќенаменското опремување на сместувачките ентериери, нуди зголемени можности за раст на бројот на посетители. Секоја хотелска соба треба да биде уредена во одреден стил кој ќе раскажува своја приказна напишана од употребените материјали, текстури, мириси и бои кои ја отсликуваат културата на земјата во која се наоѓа и му дава идентитет на хотелот, која ќе остане во меморијата на посетителите.
Посебно внимание треба да се обрне при опремувањето со кревети кои треба да обезбедат максимален комфорт и удобност при нивното користење. Материјалите кои се користат во ентериерот треба да бидат одржливи со висок квалитет и погодни по здравјето на корисниците. Хотелската опрема треба да обезбедува висока сигурност и безбедност. Посетителите на хотелите треба да се чувствуваат опуштено како во домашна атмосфера. Долгата издржливост треба да биде основен предуслов при изборот на парчињата мебел со кои ќе се опреми хотелската соба. Подот пред сè треба да биде лесно одржлив со антибактериски својства.
Посебно внимание треба да се обрне на осветлувањето кое не треба да биде со преголем интезитет, но треба да изобилува со различни типови на амбиентални осветлувања поставени по ѕидовите, плафоните и на парчињата мебел. Количината на природно осветлување треба да се регулира со драпери и соодветна големина на прозорци и стаклени врати. Акцент треба да се оддаде и на дизајнот на плафонот, кој претставува петтиот ѕид во собата. Тој го заокружува дизајнот на ентериерот и треба да плени со својата естетика.

Дизајн на ентериер/ 3Д визуелизација
Година на проектирање: 2017